ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე საქართველოში გაეროს ლტოლვილთა უმაღლესი კომისარიატის  მისიის ხელმძღვანელს  კემლინ ფურლის  შეხვდა. - ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, მხარეებმა  ლტოლვილებისთვის საინტეგრაციო მხარდაჭერაზე და საერთაშორისო დაცვის ქვეშ მყოფი პირების უფლებრივი მდგომარეობის შესახებ ისაუბრეს. განიხილეს  დევნილთა პოლიტიკისა და პრაქტიკის გაუმჯობესების შესაძლებლობები და დევნილთა ღირსეული საცხოვრებელი პირობებით უზრუნველყოფა.

მინისტრის განცხადებით, სახელმწიფოსთვის ყველაზე დიდ გამოწვევას  სწორედ დევნილთა ღირსეული საცხოვრებელი პირობებით უზრუნველყოფა წარმოადგენს.

მხარეებმა საერთაშორისო დაცვის ქვეშ მყოფი პირების უფლებრივი მდგომარეობის მიმართულებითაც ისაუბრეს და აღნიშნეს, რომ ამ მიმართულებით  სამინისტრო  სხვადასხვა ფორმატში მუშაობს, მათ შორის შინაგან საქმეთა სამინისტროსთან და UNHCR-თან ერთად სამმხრივი სამუშაო ჯგუფის ფორმატში.

„განვიხილეთ იძულებით გადაადგილებული პირების განსახლების საკითხი. ვისაუბრეთ საქართველოში კანონიერად მცხოვრები ლტოლვილებისა და ჰუმანიტარული სტატუსის მქონე პირების დასაქმებისა და სამედიცინო მომსახურეობის  საკითხზეც.  შეხვედრა ძალიან ნაყოფიერი იყო“,-ამის შესახებ დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა   ბესარიონ სიმონიშვილმა განაცხადა.

საქართველოში გაეროს ლტოლვილთა უმაღლესი კომისარიატის წარმომადგენელმა დევნილთა საკითხების მიმართ მხარდაჭერა და თანამშრომლობის კიდევ უფრო  გაღრმავებისთვის მზადყოფნა  გამოხატა.

„ ვისაუბრეთ  დევნილთა პოლიტიკის საკითხებზე, ლტოლვილებისთვის საინტეგრაციო მხარდაჭერასა და საერთაშორისო დაცვის ქვეშ მყოფი პირების უფლებრივი მდგომარეობის შესახებ. ჩვენ ამ საკითხთან დაკავშირებით ინტენსიურად ვთანამშრომლობთ როგორც სამინისტროსთან, ასევე დევნილთა, ეკომიგრანტთა და საარსებო წყაროებით უზრუნველყოფის სააგენტოსთან.  შეხვედრით  ძალიან კმაყოფილი ვარ“,-ამის შესახებ საქართველოში გაეროს ლტოლვილთა უმაღლესი კომისარიატის  მისიის ხელმძღვანელმა კემლინ ფურლიმ განაცხადა.

შეხვედრას მინისტრის მოადგილე  გიორგი წოწკოლაური  და  დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი   ბესარიონ სიმონიშვილი ესწრებოდნენ.

დევნილთა ღირსეული საცხოვრებელი პირობებითა და საარსებო წყაროებით უზრუნველყოფა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ერთ-ერთი მთავარი პრიორიტეტია.

ავტორი: NS (სტატია დაფინანსებულია),

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ