2021-11-09 17:38:46, 666 ნახვა
პოლიტიკა
ლიზა იასკო მე–18 სამკურნალო დაწესებულებაზე – დარწმუნებული ვარ, რომ ეს არაა უსაფრთხო ადგილი
უკრაინის უმაღლესი რადის დეპუტატი და მიხეილ სააკაშვილის ამჟამინდელი მეუღლე ლიზა იასკო აცხადებს, რომ დარწმუნებულია, გლდანის მე–18 სამკურნალო დაწესებულება არ არის უსაფრთხო ადგილი.
როგორც იასკო აღნიშნავს, მიხეილ სააკაშვილზე მოახდინეს ფსიქოლოგიური ზეწოლა და ის ციხის საავადმყოფოში ძალის გამოყენებით მიიყვანეს, რაც, მისივე თქმით, ყველა უფლების დარღვევაა.
"მე დარწმუნებული, რომ ეს არაა უსაფრთხო ადგილი. მას შემდეგ რაც ჩვენ ვიხილეთ გუშინ, როგორ ფსიქოლოგიურ ზეწოლას ახდენენ აქ და როგორ მოიყვანეს აქ ძალის გამოყენებით, რა თქმა უნდა, ეს არის ყველა უფლების დარღვევა. ყველა პატიმრის ასე დამცირებას არ ცდილობენ. მიმაჩნია, რომ ეს ძალიან დიდი სირცხვილია", - განაცხადა ლიზა იასკომ.
ავტორი: ექსპრესნიუსი,
epn.ge (@expressnews.ge)
