2021-10-31 17:49:52, 716 ნახვა

---

წალენჯიხაში „ქართული ოცნების" კანდიდატმა თავის ამომრჩეველს მადლობა გადაუხადა, ხოლო ოპოზიციონერ მერს წარმატება უსურვა

"ქართული ოცნების" მერობის კანდიდატმა, გოგა გულორდავამ, ოპოზიციური პარტიის მერობის კანდიდატს გიორგი ხარჩილავას  წარმატებები უსურვა.

მან "ფეისბუქზე" პოსტი გამოაქვეყნა, სადაც თავის მხარდამჭერებს მადლობას უხდის.

"მინდა მადლობა გადავუხადო ჩემს მშობლიურ ქალაქს, რაიონს, თითოეულ ამომრჩეველს,რომელიც მივიდა არჩევნებზე და დააფიქსირა საკუთარი პოზიცია. მადლობა ყველას, ვინც მხარი დამიჭირა,თანადგომა გამომიცხადა და ამ წლების მანძილზე ერთგულად იბრძოდა ჩემი და ჩვენი გუნდის გვერდით. ჩვენ შევქმენით განვითარების ის სქემა,რომელიც წალენჯიხის კეთილდღეობის ხარისხზე ნათლად აისახა.

წარმატებას ვუსურვებ გია ხარჩილავას, მიუხედავად იმისა, რომ ის წარმოადგენს იმ პოლიტიკურ ძალას, რომელიც ჩემთვის და საქართველოს მოსახლეობის უმრავლესობისთვის მიუღებელია. ვიმედოვნებ, რომ მისი დღის წესრიგი მისი პარტიისგან განსხვავებით, საქმეზე ორიენტირებული იქნება და თავის მანდატს წალენჯიხას მოახმარს". - წერს გულორდავა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი