2021-10-26 11:08:22, 2147 ნახვა

---

ამირან გამყრელიძე – „დელტა+“-ის მსგავსი კორონავირუსის ახალი შტამი საქართველოში, ჯერჯერობით, არ დაფიქსირებულა

დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ კორონავირუსთან მიმართებაში ეპიდვითარება გლობალურად უარესდება.

მისივე თქმით, რიგ ქვეყნებში გამოჩენილი „დელტა+“-ის მსგავსი, რომელიც სხვა გენეტიკური ვარიანტის მქონე შტამია, საქართველოში ჯერჯერობით არ დაფიქსირებულა.

„ეპიდსიტუაცია გლობალურად უარესდება. მნიშვნელოვანია, რომ ეს გარკვეულად დაკავშირებულია იმ ახალ შტამთან, რომელსაც აკვირდებიან და ის არ არის ე.წ. ყურადღების ქვეშ მყოფი შტამი. ის ცირკულირებს მაღალი პროცენტით გაერთიანებულ სამეფოში, მაგრამ გამოჩნდა რიგ ქვეყნებში, მათ შორის ჩვენს მეზობლად რუსეთშიც. ამიტომ ეს საყურადღებოა. ჯერჯერობით, ჩვენთან ლაბორატორიული კვლევებით ახალი შტამი არ დაფიქსირებულა. ესეც „დელტას“ ნაირსახეობაა „დელტა +“, მაგრამ ის „დელტა+“ არ არის, რომელიც ჩვენ რამდენჯერმე დავაფიქსირეთ. სხვა გენეტიკური ვარიანტია", – განაცხადა გამყრელიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი