ჩინეთის ერთ-ერთი უმსხვილესი საფინანსო კომპანია, Evergrande-ი გაკოტრების პირასაა, რამაც საერთაშორისო საფონდო ბირჟებზე პანიკური ვაჭრობა გამოიწვია.

ინვესტორები ფიქრობენ, რომ კომპანიის კოლაფსმა, შესაძლოა, ჩინეთის ეკონომიკის გარდა, სხვა კომპანიებიც გლობალური ეკონომიკური მასშტაბით დააზარალოს.

კომპანია უძრავი ქონების დაბალ ფასებში გაყიდვას ცდილობს, თუმცა აღნიშნული აქტივის დაბალი ლიკვიდურობიდან გამომდინარე, არსებობს საფუძვლიანი ეჭვი, რომ ვადის ამოწურვამდე საჭირო თანხის შეგროვება ვერ მოხერხდება. 

ანალიტიკოსების შეფასებით, 84 მილიონი დოლარი Evergrande-ს კოლოსალური პრობლემის მხოლოდ მცირედი ნაწილია და კომპანია 300-მილიარდიანი ვალის გასტუმრებას ვერ მოახერხებს, თუკი საქმეში მთავრობა ან ინვესტორები არ ჩაერევიან.

ფირმისადმი ნდობის მოპოვების მიზნით მიზნით, Evergrande -ის თავმჯდომარემ ჰუი იუანმა განაცხადება გაავრცელა, სადაც ამბობს, რომ  კომპანია ამ რთულ კრიზისს დაძლევს.

 "მე მტკიცედ მჯერა, რომ თქვენი ერთობლივი ძალისხმევით და შრომისმოყვარეობით, კომოანია გამოვა ამ კრიზისიდან და  განაახლებს სრულმასშტაბიან მშენებლობას რაც შეიძლება მალე," - განაცხადა ჰუიმ.

რაც შეეხება ინვესტორებს, გაკოტრების შიშმა საერთაშორისო საფონდო ბირჟებზე კომპანიის აქციების ფასის 85%-იანი ვარდნა გამოიწვია, რაც, სავარაუდოდ, იქამდე გაგრძელდება, სანამ Evergrande-ი არ გაკოტრდება.

ცნობისთვის, უძრავი ქონებისა და საინვესტიციო კომპანია, Evergrande-ი 1996 წელს დაარსდა და ჩინეთის მასშტაბით 280 ქალაქში ათასობით საცხოვრებელ და კომერციულ ფართს ფლობს. გარდა ამისა, კომპანიის საკუთრებაში ავტომობილების, საკვებისა და სასმელების საწარმოებიცაა. 

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის