2021-09-13 10:32:23, 595 ნახვა

---

რუსეთში, ირკუტსკის ოლქში მცირე ზომის სამგზავრო თვითმფრინავის ავარიული დაშვებისას ოთხი ადამიანი დაიღუპა

რუსეთში, ირკუტსკის ოლქში მცირე ზომის სამგზავრო თვითმფრინავის ავარიული დაშვებისას ოთხი ადამიანი დაიღუპა, 12 კი დაშავდა.

გავრცელებული ინფორმაციით, თვითმფრინავი ირკუტსკიდან კაზაჩინსკოეს დასახლებაში მიფრინავდა, თუმცა ავარიული დაშვება აეროდრომიდან ოთხ კილომეტრში განახორციელა.

დაღუპულთა შორის ეკიპაჟის ერთი წევრი, სამი კი მგზავრია. დაშავებულთაგან სამის მდგომარეობა კრიტიკულად მძიმეა. მათ მკურნალობისთვის ირკუტსკში გადაიყვანენ.

ადგილობრივი ხელისუფლების განკარგულებით, გარდაცვლილთა და დაზარალებულთა ოჯახის წევრებს გადაეცემათ თითო მილიონი რუბლი, მძიმე მდგომარეობაში მყოფ ადამიანებს - 500 ათასი, საშუალო სიმძიმის მდგომარეობაში - 250 ათასი თითოეული, მსუბუქი - 100 ათასი თითოეული. ფაქტზე აღძრულია საქმე უსაფრთხოების წესების დარღვევის მუხლით. უკვე ამოღებულია ე.წ. შავი ყუთი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი