2021-08-07 17:45:14, 735 ნახვა
საზოგადოება
საპატრიარქოში ადასტურებენ,რომ ბორჯომში მომხდარ მკვლელობაში ბრალდებული პირი ბერ-მონაზონია
ბორჯომში მომხდარ მკვლელობაში ბრალდებული პირი ბერ-მონაზონი ანტონ მაისურაძეა და ის დაკითხვაზე იმყოფება-ინფორმაცის საპატრიარქოს საზოგადოებასთან ურთიერთობის ხელმძღვანელი დეკანოზი ანდრია ჯაღმაიძე ადასტურებს და სოციალურ ქსელში საკუთარ გვერდზე პოსტს აქვეყნებს:
"ჩვენთვის ცნობილი გახდა, რომ გუშინ ბორჯომში მომხდარ მკვლელობასთან დაკავშირებით ერთ-ერთი ბრალდებულია ერთ დროს წალკის მამათა მონასტრის ბერი ანტონი (მაისურაძე). იგი წალკის სოფელ ბერთას მამათა მონასტერში 2008 წლიდან მსახურობდა, თუმცა რამდენიმე წელია თვითნებურად დატოვა მონასტერი და ცხოვრობდა შინ.
ვადასტურებთ, რომ ბერი ანტონი ნამდვილად იყო დაბარებული გამოკითხვაზე.
მიმდინარეობს გამოძიება. სავარაუდოდ, დეტალები მოგვიანებით გახდება ცნობილი."- წერს დეკანოზი ანდრია ჯაღმაიძე
ავტორი: ექსპრესნიუსი,
epn.ge (@expressnews.ge)
