2021-07-20 14:19:49, 1993 ნახვა

---

ამირან გამყრელიძის განცხადებით, ღია სივრცეში პირბადის ტარება, შესაძლოა, კვლავ სავალდებულო გახდეს

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ღია სივრცეში პირბადის ტარება, შესაძლოა, კვლავ სავალდებულო გახდეს.

როგორც ამირან გამყრელიძემ საკოორდიაციო საბჭოს დასრულების შემდეგ, ბრიფინგზე განაცხადა, აღნიშნულთან დაკავშირებით საბჭო იმსჯელებს და დიდი ალბათობით, განკარგულებაში ცვლილებები შევა.

„საბჭოზე იყო მსჯელობა და რიგი გამკაცრებები იქნება, პირველ რიგში, აღსრულებასთან მიმართებაში. მოშვებულია მოსახლეობა, პირბადის ტარება დახურულ სივრცეშიც აღარ მიმდინარეობს, დღეს იქნა გადაწყვეტილება, რომ ღია სივრცეებში დაწესდეს პირბადესთან მიმართებაში რეკომენდაცია. დღეს ამის შესახებ გადაწყვეტილება არის, საბჭო დაამუშავებს ამ საკითხს და ალბათ ცვლილებები შევა განკარგულებაში, პირბადის ტარებასთან მიმართებაში“, - განაცხადა ამირან გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი