საქართველოში აშშ-ის ელჩმა კელი დეგნანმა „ტვ პირველის“ ოპერატორის, ალექსანდრე ლაშქარავას გარდაცვალების გამო მწუხარება გამოთქვა და მის ოჯახის წევრებს, ახლობლებსა და მეგობრებს მიუსამძიმრა.

კელი დეგნანმა 5 ივლისს განვითარებულ ძალადობაზე ისაუბრა და აღნიშნა, რომ ხალხი, ვისაც ძალადობის დანერგვა და არასტაბილურობის შექმნა სურთ, კრემლის საქმის კეთებით არიან დაკავებულნი, რათა გამოიწვიონ არასტაბილურობა ქვეყანაში.

„მინდა აღვნიშნო, რამდენად დამწუხრებულები ვართ ალექსანდრე ლაშქარავას გარდაცვალების გამო. .ეს ნამდვილი ტრაგედია იყო და შოკისმომგვრელი ყველასთვის. ვუსამძიმრებთ გარდაცვლილის ოჯახს და მის მეგობრებს, კოლეგებს და თქვენ, ჟურნალისტებს, ვინც მუშაობდით მასთან ერთად. ძალადობა ნებისმიერი ფორმით მიუღებელია, მაგრამ კონკრეტულად, როდესაც ის მიზნად ისახავს ადამიანებისთვის ხელის შეშლას, იქნება ეს პრესის თავისუფლება, შეკრეისა და ღირსების მარშის გამართვა ქუჩებში, არსებობს ვალდებულება მოქალაქეების დასაცავად და ვალდებულება, აღიკვეთოს ძალადობა. ყველამ იცის, ვინ აფინანსებს კრემლის ამ ტიპის დეზინფორმაციებს. ხალხი, ვისაც ძალადობის დანერგვა და არასტაბილურობის შექმნა სურთ, კრემლის საქმის კეთებით არიან დაკავებული, რათა გამოიწვიონ უთანხმოება და არასტაბილურობა ქვეყანაში. ვფიქრობ, ქართველები გონიერები არიან და მიხვდებიან, თუ ვინ დგას ამ ყველაფრის უკან და ვინ იხდის ფულს“, - განაცხადა კელი დეგნანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.