შინაგან საქმეთა მინისტრის მოადგილის, ალექსანდრე დარახველიძის განცხადებით, 5 ივლისს, ხეთაგუროვის ქუჩაზე პოლონელი ტურისტის დაჭრა „თბილისი პრაიდის“ ღონისძიებას არ უკავშირდება.

როგორც მან შსს-ში გამართულ ბრიფინგზე აღნიშნა, პოლონელი ტურისტი ფსიქიკურად ავადმყოფმა პირმა საყოფაცხოვრებო ნიადაგზე დაჭრა.

„ტურისტთან დაკავშირებით მოგახსენებთ, რომ აღნიშნული ფაქტი მოხდა სრულიად დამოუკიდებლად. ეს მოხდა ვორონცოვზე, ხეთაგუროვის ქუჩაზე, სადაც ფსიქიკურად დაავადებული ადამიანი თავს დაესხა უცხოელ ტურისტს. არანაირი კავშირი ამ ფაქტს იმ ფაქტებთან არ აქვს რაზეც საუბარი იყო, რომ ის პრაიდს უკავშირდება. სიცრუეა, ეს იყო ჩვეულებრივი შემთხვევა, როდესაც ეს მოხდა საყოფაცხოვრებო ნიადაგზე, როცა არანაირ დაპირისპირებას იქ ადგილი არ ჰქონია. სრულიად მოულოდნელად მიეჭრა ეს პირი და სულ სხვა ადგილას, მოახდინა მისი ჯანმრთელობის დაზიანება“, - განაცხადა ალექსანდრე დარახველიძემ.

ცნობისთვის, შინაგან საქმეთა სამინისტროს ინფორმაციით, 5 ივლისს გიორგი ხმალაძე, სრულიად უმიზეზოდ თავს დაესხა პოლონელ ტურისტს და მოკვლის მიზნით მას სიცოცხლისთვის სახიფათო დაზიანებები მიაყენა. დამნაშავე პოლიციამ მალევე დააკავა. დაკავებულს ბრალდება საქართველოს სისხლის სამართლის კოდექსის 19,109-ე მუხლის მეორე ნაწილის "გ" ქვეპუნქტით აქვს წარდგენილი, აღნიშნული დანაშაული სასჯელის სახედ და ზომად 13 წლიდან 17 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა