2021-07-06 12:57:59, 387 ნახვა
საზოგადოება
ჭავჭავაძის გამზირზე შუქნიშნები დროებით გაითიშა
ვაკეში, ჭავჭავაძის გამზირსა და რამდენიმე ქუჩაზე შუქნიშნები დროებით გათიშულია.
ამის შესახებ ინფორმაციას თბილისის მერია ავრცელებს.
უწყების ცნობით, გათიშვის მიზეზი კომპანია „თელასის" მიერ გეგმიური სამუშაოების ჩატარების გამო ელექტროენერგიის მიწოდების შეზღუდვაა.
„შუქნიშნები გამორთულია შემდეგ მიმართულებებზე: ვარაზისხევი, ჭავჭავაძის გამზირი-ნაფარეულის ქუჩა, ჭავჭავაძის გამზირი-ბაზალეთის ქუჩა, ფალიაშვილი-ერისთავის ქუჩა, ფალიაშვილი-ბაზალეთის ქუჩა, აბაშიძე-არაყიშვილის ქუჩა.
აღნიშნულ ქუჩებზე შუქნიშნები „თელასის" მიერ გეგმიური სამუშაოების დასრულებისთანავე ჩაირთვება“, - აცხადებენ თბილისის მერიაში.
ავტორი: NS (სტატია დაფინანსებულია),
epn.ge (@expressnews.ge)
