2021-06-12 14:12:38, 889 ნახვა
საზოგადოება
ნინოწმინდის პანსიონში მეუფე სპირიდონის მხარდასაჭერად 50-მდე არასრულწლოვანი მიიყვანეს
ნინოწმინდის პანსიონში მეუფე სპირიდონის მხარდასაჭერად 50-მდე არასრულწლოვანი მიიყვანეს. აღნიშნულის შესახებ ინფორმაციას „პატრიოტთა ალიანსის“ ლიდერი, ირმა ინაშვილი ავრცელებს.
როგორც ირმა ინაშვილი სოციალურ ქსელში წერს, არასრულწლოვნები წმ.გიორგის სახელობის კარატისტთა ჯგუფის წევრები არიან და ისინი სააღმზრდელო დაწესებულებაში რამდენიმე დღის განმავლობაში დარჩებიან.
„საქართველოს კიოკუშინის კარატეს ფედერაციის ახალგაზრდა სპორტსმენები ნინოწმინდის პანსიონატში სოლიდარობის ნიშნად ჩავიდნენ და რამდენიმე დღეს ნინოწმინდის პანსიონატის აღსაზრდელებთან ერთად გაატარებენ. დიდი მადლობა გოჩა და კახა კაკაბაძეებს
სოლიდარობა ნინოწმინდის პანსიონატს და მეუფე სპირიდონს!“, - წერს ირმა ინაშვილი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
