მსოფლიოს სხვადასხვა ქვეყნებში, ასობით მომიტინგემ ბელარუსში დაკავებული პროტასევიჩის მხარდამჭერი აქცია გამართა.

აღნიშნულის შესახებ ინფორმაციას "ბიბისი" ავრცელებს.

როგორც მედია იუწყება, აქციის მონაწილეები რომან პროტასევიჩის და მისი შეყვარებულის პატიმრობიდან გათავისუფლებას ითხოვენ.

საპროტესტო გამოსვლები ლიტვაში, პოლონეთში, ავსტრალიაში, გერმანიაში, უკრაინაში, ირლანდიაში, ჰოლანდიასა და  აშშ-ში გაიმართა.

"მე მოვუწოდებ, ევროკავშირის ქვეყნებსა და აშშ-ს დაგვეხმარონ რომანის და სოფიას გათავისუფლებაში", - განაცხადა ვარშავაში გამართულ მიტინგზე პროტასევიჩის დედამ.

ჟურნალისტის მამა კი აცხადებს, რომ მათ სურთ ისეთ ქვეყანაში ცხოვრება, სადაც ყველა ადამიანს საკუთარი აზრის გამოხატვა უშიშრად შეეძლება.

სხვადასხვა ქვეყნებში გამართული აქციის მონაწილეებს თან ჰქონდათ ბელარუსის დროშა წარწერით : "დავეხმაროთ ბელარუსს", "თავისუფლება ბელარუსს".

ლიტვაში გამართულ მიტინგზე სიტყვით გამოვიდა ბელარუსი ოპოზიციონერი ქალი, სვეტლანა ტიხანოვსკაია, რომელმაც განაცხადა, რომ ცვლილებები აუცილებლად იქნება და მას სჯერა ბელარუსის უკეთესი მომავლის.

"ბელარუსი არ დათმობს", - აცხადებს ტიხანოსვკაია.

შეგახსენებთ, რომ ჟურნალისტი რომან პროტასევიჩი ათენი-ვილნიუსის რეისის დროს დააკავეს. ამის  მიზეზად Ryanair- ის ბორტზე ბომბის არსებობა დასახელდა.

პროტასევიჩს ბრალად მასობრივი არეულობების მოწყობა ედება და აღნიშნულის დამტკიცების შემთხვევაში შესაძლოა მას 15 წლით თავისუფლების აღკვეთა მიესაჯოს.

ავტორი: ექსპრესნიუსი,

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა