2021-05-11 12:18:21, 2014 ნახვა

---

თამარ გაბუნიას განცხადებით, ე.წ კომენდატის საათის შემსუბუქებაზე შესაძლოა მაისის ბოლოსკენ იმსჯელონ

ჯანდაცვის მინისტრის მოადგილე თამარ გაბუნია აცხადებს, რომ ე.წ კომენდატის საათის შემსუბუქებაზე შესაძლოა მაისის ბოლოსკენ იმსჯელონ.

როგორც თამარ გაბუნიამ ბრიფინგზე განაცხადა, დღეს ეპიდვითარება არ იძლევა იმის საშუალებას, რომ გარკვეული შეზღუდვები შემსუბუქდეს.

„ახლა პიკში ვართ, ამდენად არც ეპიდემიოლოგიურად არ არის გამართლებული, რომ რომელიმე შეზღუდვის შემსუბუქებაზე, მათ შორის კომენდატის საათის გადავადებაზე ვისაუბროთ. დღეს ჩვენ არ გვაქვს შესაძლებლობა ეპიდემიოლოგიური თვალსაზრისით, რომ კომენდატის საათის გადავადებაზე ვიფიქროთ. მესმის, ეს არის რთული, ამაზე მიდის მსჯელობა, როგორც კი ეპიდემიოლოგიური სიტუაცია ამის საშუალებას მოგვცემს, მაისის ბოლოსკენ, როდესაც პროგნოზულად ის პიკი რაც გვაქვს და მაისის მეორე ნახევარში უნდა შემსუბუქდეს, შემდეგ გადავხედავთ ამ გადაწყვეტილებას“, - განაცხადა თამარ გაბუნიამ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი