კომპანია „ფაიზერის“ ხელმძღვანელის, ალბერტ ბურლას განცხადებით, დაბალი და საშუალო შემოსავლის მქონე ქვეყნებმა მათი ვაქცინა აღარ შეუკვეთეს.

როგორც ბურლამ „ფაიზერის“ თანამშრომლებისთვის გაგზავნილ წერილში აღნიშნა,  საშუალო და დაბალი შემოსავლების მქონე ქვეყნების უმეტესობამ კონტრაქტის დადება სხვა ვაქცინების მწარმოებელ კომპანიებთან ამჯობინა.

„ჩვენ დავუკავშირდით ყველა სახელმწიფოს და ვთხოვეთ, შეკვეთა დაადასტურონ, რათა მათთვის დოზები გამოგვეყო. მდიდარმა ქვეყნებმა დოზების უმეტესობა შეუკვეთეს. შევშფოთდი და პირადად მივწერე დაბალი და საშუალო შემოსავლების მქონე ქვეყნების ლიდერებს, ასევე დავურეკე ტელეფონით და მოვუწოდე, შეეკვეთათ დოზები, რადგან რაოდენობა შეზღუდულია“, - განაცხადა ალბერტ ბურლამ.

კომპანიის ხელმძღვანელის განმარტებით, აღნიშნულის მიზეზი შესაძლოა ის იყო, რომ „ფაიზერის“ ტექნოლოგია ჯერ გამოუცდელია, ან ის, რომ აღნიშნულმა ქვეყნებმა არჩევანი ადგილობრივი წარმოების ვაქცინებზე გააკეთეს.

მისივე თქმით, ზოგიერთ ქვეყანაში „ფაიზერის“ ვაქცინა საერთოდ არ დაამტკიცეს.

აღსანიშნავია, რომ ალბერტ ბურლამ წერილი მას შემდეგ გამოაქვეყნა, რაც ჯო ბაიდენის ადმინისტრაციაში განაცხადეს, რომ მზად არიან, ვაქცინებზე ინტელექტუალური საკუთრების უფლების გაუქმებას დაუჭირონ მხარის, რაც ნიშნავს, რომ ვაქცინების წარმოებისთვის საჭირო ფორმულა ყველასთვის ხელმისაწვდომი იქნება.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა

აშშ აცხადებს, რომ ირანმა ჰორმუზის სრუტეში გემებზე თავდასხმა განაახლა

სარაკეტო დარტყმების შემდეგ ბელგოროდში კვლავ გაითიშა ელექტროენერგია, წყლისა და გაზის მიწოდება შეწყდა

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი