რუსეთში, ოპოზიციონერი ალექსეი ნავალნის მხარდამჭერ აქციებზე პოლიციამ 1 700-ზე მეტი ადამიანი დააკავა, პეტერბურგში კი, 800-ზე მეტი - აღნიშნულ ინფორმაციას OVD-Info-ზე დაყრდნობით რუსული მედია ავრცელებს.

რუსული მედია წერს, რომ სამართალდამცველებმა ყველაზე ნაკლებ მოსკოვში, 29 ადამიანი დააკავეს.

მათივე ინფორმაციით, პოლიცია იყენებდა უხეშ ფორმებს აქციის მონაწილეების მისამართით და პეტერბურგში აქტივისტების წინააღმდეგ, დაკავებისას, ელექტროშოკი გამოიყენა.

ცნობისთვის, გუშინ, 21 აპრილს რუსეთს მასშტაბით, ოპოზიციონერი ალექსეი ნავალნის მხარდამჭერი აქციები გაიმართა, რომელიც საპატიმროში იმყოფება. პატიმრობაში მყოფი ალექსეი ნავალნი მარტის ბოლოდან შიმშილობს. მისმა ექიმმა რამდენიმე დღის წინ განაცხადა, რომ პოლიტიკოსის ჯანმრთელობის მდგომარეობა შიმშილობის მესამე კვირაში სწრაფად უარესდება და ის, შესაძლოა, სიკვდილის პირას აღმოჩნდეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ფატიმა კარიმოვას მკვლელობის ფაქტზე აზერბაიჯანის მოქალაქეს ბრალი წარედგინა

დონალდ ტრამპი ევროპაში ამერიკული ჯარების მესამედით შემცირებას გეგმავს

დროებით ოკუპირებულ აფხაზეთში დრონების საფრთხე გამოცხადდა

მთავრობა ქვეყნის მასშტაბით რეგიონული ნაგავსაყრელების მშენებლობას გეგმავს