ევროკავშირის საგარეო საქმეთა და უსაფრთხოების პოლიტიკის უმაღლესი წარმომადგენლის, ჟოზეფ ბორელის პრესსპიკერი, ნაბილა მასრალი საქართველოში არსებულ პოლიტიკურ პროცესს ეხმაურება.

როგორც პრესსპიკერმა ბრიუსელში გამართულ პრესკონფერენციაზე აღნიშნა, ქართველი პოლიტიკური ლიდერების პასუხისმგებლობაა, რომ მიიღონ გამოწვევა და გამონახონ კომპრომისი.

მანვე დასძინა, რომ ევროკავშირი იმსჯელებს საქართველში მიმდინარე პოლიტიკურ პროცესზე.

„31 მარტს დასრულდა პრეზიდენტ მიშელის პირადი წარმომადგენლის, ბატონი კრისტიან დანიელსონის მედიაციის მეორე მისია, რომლის შედეგადაც ვერ მოხერხდა საშინაო პოლიტიკური კრიზისის მოგვარება. არც ერთმა მხარემ, არც მმართველმა გუნდმა და არც ოპოზიციურმა პარტიებმა არ გამოავლინეს პოლიტიკური ნება შეთანხმებულიყვნენ მათთვის შეთავაზებულ კომპრომისულ წინადადებაზე.

ქართველი ლიდერების პასუხისმგებლობაა, მიიღონ გამოწვევა და გამონახონ კომპრომისი. ბატონმა კრისტიან დანიელსონმა ვითარების შესახე პრეზიდენტ მიშელსა და ვიცე-პრეზიდენტ ბორელს მოახსენა, ახლა ევროკავშირის შიგნით იმსჯელებენ საქართველოში მიმდინარე პოლიტიკური პროცესების შესახებ“, - განაცხადა ნაბილა მასრალმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო