„მე საპატიო კახელი ვარ და საქართველოში რა თქმა უნდა კიდევ ჩავალ“, - ამის შერსახებ რუსეთი პროპაგანდისტმა ჟურნალისტმა ვლადიმირ პოზნერმა დაწერა.

მან ასევე აღნიშნა, რომ ქართველები, რომლებიც მის ჩასვლას აპროტესტებდნენ, ყურადღების ღირსი არ არიან.

„როგორც მივხვდი, საქართველოში მიდის გამძაფრებული პოლიტიკური ბრძოლა და ოპოზიციამ ჩემი ჩასვლა გამოიყენა, რათა მოეწყო - არ ვიცი, ამას რა დავარქვა - შაბაშის მოსაწყობად.

გაიხსენეს ჩემი სამი წლის წინანდელი გამონათქვამი აფხაზეთის შესახებ, რათა ხმა მოეწვდინათ ჩვენთვის, ავტობუსებს კვერცხები დაუშინეს როგორც ჩანს, ქათმის კვერცხები მათ საკმარისად აქვთ - დაერტყათ ჩვენი რესტორნის კედლებს, ჩვენი სასტუმროს აივნების ქვეშ ყვიროდნენ, უსტვენდნენ და ა.შ. და მე მივიღე გამგზავრების გადაწყვეტილება - რატომ უნდა ჩამეგდო საფრთხეში მეგობრები, სულ მცირე.

დავბრუნდით მოსკოვში და სრულიად მშვენივრად აღვნიშნეთ დაბადების დღე. თბილისის ეს გამოცდილება ძალიან დაგვეხმარა, რაც არ უნდა უცნაურად მოგეჩვენოთ.

მთელი სიცხადით მინდა ვთქვა, რომ არანაირი წყენა საქართველოზე და ქართველებზე არ მაქვს, ამასთან, მე საპატიო კახელიც ვარ და მე, რა თქმა უნდა, კიდევ ჩავალ საქართველოში - უპირობოდ.

ისე კი კვერცხის სროლის მოყვარულები, განსაკუთრებით, თუკი ამისთვის ფულს გიხდიან, ყველა ქვეყანაში არსებობენ და როგორც უკვე ვწერდი, ისინი ყურადღებას არ იმსახურებენ“, – წერს ვლადიმირ პოზნერი.

ავტორი: ექსპრესნიუსი,

სოციალური ქსელები

მაკრონმა ფაშინიანს მიულოცა: მოხარული ვარ, რომ თქვენთან მუშაობას გავაგრძელებ

1 ამპერი = 2 ლარი - „თეგეტა მოტორსის“ უპრეცედენტო შეთავაზება „ენერჯაიზერის“ აკუმულატორებზე

გერმანიამ, საფრანგეთმა და დიდმა ბრიტანეთმა პუტინს უკრაინაში ომის დასასრულებლად ხუთი პირობა წაუყენეს

პაპუაშვილი - ვიზალიბერალიზაციის კრიტერიუმების ნაცვლად, მოიგონეს პოლიტიკური წინაპირობები