მთავრობის ადმინისტაციასთან „კომენდატის საათის“ გაუქმების მოთხოვნით ხვალ აქცია გაიმართება

2021-03-20 19:02:42, 610 ნახვა

საზოგადოება

ე.წ. კომენდატის საათის გაუქმების მოთხოვნით ხვალ, 14:00 საათზე მთავრობის ადმინისტრაციასთან საპროტესტო აქცია გაიმართება.

აღნიშნულის შესახებ ინფორმაციას აქციის ორგანიზატორები სოციალურ ქსელში ავრცელებენ.

მათივე ცნობით, აქციაზე შედგება საკონსტიტუციო სარჩელზე საჯარო ხელმოწერა.

„შეხვედრა შეეხება კოლექტიურ სარჩელს „ქართველი ხალხი მთავრობის წინააღმდეგ“, რომელსაც თავისუფლების ინსტიტუტი მოსარჩელეთა სახელით საკონსტიტუციო სასამართლოში წარმართავს.

მოსარჩელეები ითხოვენ იზოლაციის ან/და კარანტინის წესების, კომენდანტის საათის და შესაბამისი ნორმებით დადგენილი ადმინისტრაციული და სისხლის სამართლის პასუხისმგებლობის არაკონსტიტუციურად ცნობას.

თავისუფლების ინსტიტუტი კოლექტიურ სარჩელს საკონსტიტუციო სასამართლოში ორშაბათს შეიტანს“, - წერენ ორგანიზატორები.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,