სასამართლოსთან გიორგი შაქარაშვილის მკვლელობაში მსჯავრდებული არასრულწლოვნების მეგობრები აქციას მართავენ

2021-03-16 14:48:57, 442 ნახვა

საზოგადოება

მცხეთის რაიონულ სასამართლოსთან, სადაც ფეხბურთელ გიორგი შაქარაშვილის მკვლელობაში მსჯავრდებული არასრულწლოვნების მიმართ სასჯელი უნდა გამოცხადდეს, საპროტესტო აქცია მიმდინარეობს.

„ბიძინა სტურუა - შე მონა“ - ამ ტრანსფარანტებით ადგილე მსჯავრდებული არასრულწლოვნების ოჯახის წევრები და მეგობრები არიან შეკებილნი.

ამასთანავე, მცხეთის რაიონულ სასამართლოსთან სამართალდამცველთა დიდი მობილიზებაა.

ცნობისთვის, ფეხბურთელი გიორგი შაქარაშვილის მკვლელობის საქმეზე მსჯავრდებული 2 არასრულწლოვანის სასამართლო პროცესი რამდენიმე წუთში დაიწყება, სადაც მოსამართლე ბიძინა სტურუა სასჯელის ზომას განსაზღვრავს.

შეგახსენებთ, რომ 9 მარტს, მცხეთის რაიონულმა სასამართლომ ფეხბურთელ გიორგი შაქარაშვილის მკვლელობაში ბრალდებული ხუთივე პირი: არჩილ გაგნიძე, ნიკოლო რევაზიშვილი, ვახტანგ ჩიქოვანი და არასრულწლოვნები, ა.ქ და ზ.ხ დამნაშავედ ცნო და სრულწლოვან ბრალდებულებს 16-16 წლიანი პატიმრობა შეუფარდა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან