ირაკლი ღარიბაშვილი შარლ მიშელს დღეს შეხვდება

2021-03-15 17:17:05, 566 ნახვა

პოლიტიკა

საქართველოს პრემიერ-მინისტრი ირაკლი ღარიბაშვილი ევროპული საბჭოს პრეზიდენტს, შარლ მიშელს დღეს შეხვდება.

შეხვედრა ბრიუსელში თბილისის დროით 18:00 საათზეა ჩანიშნული.

შეგახსენებთ, რომ 16 მარტს ბრიუსელში საქართველო-ევროკავშირის ასოცირების საბჭოს რიგით მეექვსე შეხვედრა გაიმართება.

ასოცირების საბჭო საქართველო-ევროკაშირის თანამშრომლობის უმაღლესი ფორმატია, რომელიც ყოველწლიურად იმართება და საქართველო-ევროკავშირის ურთიერთობების მნიშვნელოვან საკითხებს განიხილავს, მათ შორის ასოცირების შეთანხმების შესრულების მიმდინარეობას.

საქართველოს სამთავრობო დელეგაცია ბრიუსელში დღეს დილით გაემგზავრა. დელეგაციას პრემიერი ირაკლი ღარიბაშვილი ხელმძღვანელობს. მასთან ერთად ასევე იმყოფებიან ვიცე-პრემიერი, საგარეო საქმეთა მინისტრი დავით ზალკალიანი, ეკონომიკისა და მდგრადი განვითარების მინისტრი ნათია თურნავა და იუსტიციის მინისტრი გოჩა ლორთქიფანიძე.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,