|
2021-03-01 12:29:17, 518 ნახვა
სამართალი
პროკურორი - დაცვის მხარეს ეჭვი აღარ ეპარება, რომ შაქარაშვილის მკვლელობა ხუთივე ბრალდებულმა ჩაიდინა
გიორგი შაქარაშვილის მკვლელობის საქმის პროკურორის, დავით ყაზარაშვილის განცხადებით, დაცვის მხარეს ეჭვი აღარ ეპარება, რომ შაქარაშვილის მკვლელობა ხუთივე ბრალდებულის მიერაა ჩადენილი. როგორც მან ჟურნალისტებთან საუბრისას აღნიშნა, ბრალდებულებმა საბოლოო სიტყვის უფლებით არ ისარგებლეს და ჩვენების მიცემაზე უარი განაცხადეს. „წინა პროცესზე ბრალდების მხარემ დაასრულა დასკვნითი სიტყვის წარმოთქმა და კიდევ ერთხელ, სასამართლოში ხაზი გაუსვა იმას, რომ ხუთივე ბრალდებულის მიერაა გიორგი შაქარაშვილის მკვლელობა ჩადენილი და ამაში ჩემი აზრით, ეჭვი დაცვის მხარესაც აღარ ეპარება. არჩილ გაგნიძე და ნიკოლოზ რევაზიშვილი მთელი ამ პროცესების განმავლობაში აპელირებდნენ, რომ თითქოს, „გუგლმეფში“ დამახსოვრებული იყო გადაადგილების შესახებ ზუსტი ინფორმაცია და თურმე, გამოძიებამ ეს ინფორმაცია წაშალა. სასამართლო პროცესზე გამოკვლეული მტკიცებულებებით კიდევ ერთხელ დადასტურდა, რომ არცერთ მათგანს მომხდარი ფაქტის დროს არ ჰქონდა ჩართული ინტერნეტი. რაც შეეხება ბრალდებულების საბოლოო სიტყვას, მათ სასამართლოში ჩვენება არ მისცეს, რადგან როგორც ნიკა რევაზიშვილის შემთხვევაში, აირეოდნენ და სასამართლომდე ელემენტარულ სათქმელს ვერ მიიტანდნენ. მათ ურჩევნიათ, ჩვენება მისცენ იმ პირობებში, როცა კითხვა არ დაისმება და ამ პირობებში უფრო მეტი ტყუილის თქმას შეძლებენ სასამართლოში. თუმცა, მათი ყველა ტყუილი უკვე გამოკვეთილია და არავინ არ დაიჯერებს იმ ზღაპრებს, რასაც დაცვის მხარე ჰყვება“, - განაცხადა დავით ყაზარაშვილმა. ცნობისთვის, გიორგი შაქარაშვილის მკვლელობის საქმეზე ხუთი პირია ბრალდებული. მცხეთის რაიონული სასამართლო საბოლოო განაჩენს მიმდინარე კვირაში გამოაცხადებს.
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ოდესაში, რუსული სამხედრო თავდასხმის შედეგად 16 ადამიანი დაშავდა
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)