2021-02-24 19:00:53, 607 ნახვა
პოლიტიკა
ფუნთუშაში ქიშმიშების ძებნა არ უნდა დავიწყოთ - გიორგი ხელაშვილი საერთაშორისო გზავნილებს ეხმაურება
საპარლამენტო უმრავლესობის ლიდერის, გიორგი ხელაშვილის განცხადებით, აშშ-ის სახელმწიფო დეპარტამენტის განცხადებაში საქართველოში მიმდინარე პოლიტიკურ მოვლენებთან დაკავშირებით განსაკუთრებული ხაზი არ დაფიქსირებულა.
მისი თქმით, სახელმწიფომ ყველაფერი გააკეთა, რათა ნიკა მელია არ დაეკავებინათ.
„როდესაც ვსაუბრობთ საერთაშორისო გზავნილებზე, არ დავიწყოთ ფუნთუშაში ქიშმიშების ძებნა და რაც გვაწყობს, ისე არ ვთქვათ. სახელმწიფო დეპარტამენტს რაიმე განსაკუთრებული ხაზი არ დაუფიქსირებია. საქართველოში არ არიან პოლიტპატიმრები. ბოლო შემთხვევებში ჩვენ ვნახეთ, რომ სახელმწიფომ ყველაფერი გააკეთა იმისათვის, რომ არ მომხდარიყო მელიას აყვანა პატიმრობაში“, - განაცხადა გიორგი ხელაშვილმა.
ავტორი: ექსპრესნიუსი,
epn.ge (@expressnews.ge)
