2021-02-16 12:45:01, 557 ნახვა

---

ხატია დეკანოიძე - სამარცხვინოა, რომ პარლამენტში სხედან ადამიანები, რომლებიც ასრულებენ გავრილოვის, პუტინის, ლავროვის მითითებებს

სამარცხვინოა, რომ პარლამენტში სხედან ადამიანები, რომლებიც ასრულებენ გავრილოვის, პუტინის, ლავროვის მითითებებს, - ამის შესახებ ენმ-ს ერთ-ერთმა წევრმა, ხატია დეკანოიძემ ჟურნალისტებთან საუბრისას განაცხადა.

როგორც ხატია დეკანოიძემ აღნიშნა, არ არსებობს მექანიზმი, რომლითაც ხელისუფლება შეძლებს აღასრულოს კანონი ნიკა მელიას წინააღმდეგ.

„ვერც ერთ შემთხვევაში ვერ გაბედავთ და ვერ დააკავებთ ნიკა მელიას, გასაგებია, რომ გავრილოვის მითითებებს ასრულებენ, სამარცხვინო ყველაფერი, როდესაც პარლამენტში სხედან ადამიანები, რომლებიც ასრულებენ ოკუპანტის, გავრილოვის, პუტინის, ლავროვის და ა.შ მითითებებს, რომ დააკავონ და დასაჯონ ოპოზიციის პარტიის ლიდერი.

სრული პასუხისმგებლობით ვაცხადებ, მე და ჩემი მეგობრები, ყველა ის ადამიანი, რომელიც აპროტეტებდა 20 ივნისს გავრილოვის ჩამობრანებას, ყველა ადამიანი ვაცხადებთ, რომ არ არსებობს მექანიზმი, რითიც შეძლებენ ნიკა მელია წინააღმდეგ აღასრულონ ის მახინჯი კანონი, იმ მახინჯი მარღლმსაჯულების ფორმებით, რომელიც დღეს საქართველოში არსებობს“, - განაცხადა ხატია დეკანოიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი