2021-02-12 14:26:42, 706 ნახვა
კომენტარი
გიორგი გახარია: ვაქცინის მოწოდება უახლოეს კვირებში დაიწყება - ჩვენი მიზანია, წლის ბოლოს მოსახლეობის მინიმუმ 60% იყოს აცრილი
საქართველოს პრემიერ-მინისტრი გიორგი გახარია აცხადებს, რომ ქვეყანაში კორონავირუსის საწინააღმდეგო ვაქცინის მოწოდება უახლოეს კვირებში დაიწყება.
როგორც პრემიერმა ჟურნალისტებთან საუბრისას აღნიშნა, მთავრობის მიზანია, რომ წლის ბოლომდე, მოსახლეობის 60% იყოს აცრილი.
„საქართველოში იქნება ჯანმო-ს მიერ ავტორიზებული ვაქცინა, მათი მოწოდება დაიწყება უახლოეს კვირეებში და აცრაც დაიწყება იმ ეროვნული გეგმის მიხედვით, რომელიც დამტკიცებულია მთავრობის მიერ. ჩვენი მთავარი მიზანი გახლავთ, რომ წლის ბოლომდე საქართველოში, ჩვენი მოსახლეობის მინიმუმ 60% იყოს აცრილი. ყველას კარგად უნდა გვესმოდეს, რომ ვაქცინაციის პროცესს, ჯანმრთელობასთან ერთად აქვს უაღრესად დიდი ეკონომიკური მნიშვნელობა“, - განაცხადა გიორგი გახარიამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
