2021-01-30 14:23:39, 513 ნახვა

---

Reddit-ის მომხმარებლებმა აშშ-ის საფონდო ბირჟაზე გადატრიალება მოაწყეს, რაც უოლ სტრიტს მილიარდობით დოლარი დაუჯდა

სოციალური მედიის სიძლიერისა და საფონდო ბირჟაზე წვდომის გამარტივების წყალობით, ამერიკის შეერთებულ შტატებში კერძო ინვესტორებმა უოლ-სტრიტზე რევოლუცია მოაწყეს, რის გამოც პროფესიონალ მოთამაშეებს მილიარდობით დოლარი უნდა დაეკარგათ.

ფორუმის ერთ-ერთი საიტზე, Reddit-ზე გაერთიანებულებმა ჩათვალეს, რომ ვიდეო თამაშების GameStop-ის აქციები დაუფასებელია და მოაწყეს ფლეშმობი მათ შესაძენად. გარიგება წარმატებით დასრულდა და უოლ-სტრიტის პროფესიონალებმა დიდი ზარალი განიცადეს.

ამჟამად, ფორუმის მომხმარებლები, რომელთა რაოდენობაც 4 მილიონს აჭარაბებს, აწყობენ ფლეშმობებს სხვა აქციებისთვისაც და მათი შეჩერება, ჯერჯერობით არავის შეუძლია.

Reddit-ის მომხმარებლებმა გადაწყვიტეს დაესაჯათ უოლ-სტრიტის ინვესტორები ვიდეოთამაშების გამყიდველის დაუფასებლობის გამო.

აშშ-ში 27 იანვარს საფონდო ბირჟის არეულობის წინაპირობა იყო კორონავირუსის გამო დაწესებული შეზღუდვები, რომლის გამოც ადამიანები სახლებში, მოწყენილები სხედან, - აღნიშნულს განმარტავს The Verge.

ამასთანავე, შედეგად, მსოფლიოში მკვეთრად გაიზარდა ინტერესი არაპროფესიონალური გაცვლითი ონლაინ ვაჭრობის მიმართ. ასევე, მოთამაშეების ერთ-ერთი ყველაზე პოპულარული პლატფორმა იყო ფორუმი Reddit ვებ-გვერდზე, სახელწოდებით WallStreetBets. ფორუმი თავის თავს შემდეგნაირად აღწერს: „თითქოს 4chan-მა იპოვა Bloomberg-ის გაცვლითი ტერმინალი“. საიტი ჯერ კიდევ 2012 წელს, ინფორმაციული ტექნოლოგიების კონსულტანტმა ხაიმე როგოზინსკიმ დააარსა, რომელსაც სურდა მომგებიანი ინვესტიცია გაეკეთებინა, მაგრამ აღმოჩნდა, რომ საინვესტიციო ფონდების რჩევის დაცვა ძალიან მოსაწყენი იყო, - აცხადებენ The Wall Street Journal-ში.

2021 წლის იანვარში, WallStreetBets ფორუმის მომხმარებლებმა, რომლებსაც ამ დროისთვის უკვე გაწევრიანებული ჰყავთ ოთხ მილიონზე მეტი ადამიანი, დაიწყეს GameStop-ის აქციების მასიური შეძენა, რამაც მათთვის ფასების ზრდას შეუწყო ხელი. შედეგად, აქციები, რომლებიც იანვრის დასაწყისსში 17 დოლარზე ოდნავ მეტი ღირდა, 27 იანვრისთვის 347 დოლარამდე გაიზარდა.

28 იანვარს, Robinhood-ის სერვისი, პოპულარული აპლიკაცია, რომლის ჰობიც ინვესტირებისთვის საშუალების მიცემაა, მოახდინონ ვაჭრობა აქციებით საკომისიოს გარეშე, გამოეხმაურა მომხდარ რევოლუციას. სწორედ მისი დახმარებით ითამაშეს ფორუმი WallStreetBets-ის მომხმარებლებმა ბირჟაზე. აღნიშნულმა სერვისმა აუკრძალა მომხმარებლებს GameStop, Nokia, AMC და BlackBerry-ს აქციების შეძენა - და დატოვა მხოლოდ Flash Mob-ის აქციები შესაძენად. Robinhood-მა აღნიშნული გადაწყვეტილება ახსნა, როგორც ფასიანი ქალადგების მაღალი არასტაბილურობა, რომელიც ამაღლებს რისკებს ინვესტორებისთვის.

 

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი