08:24 - 05 May, 2026
ჩვენ შესახებ რეკლამა/ხელმოწერა
2021-01-18 17:28:26, 624 ნახვა

მსოფლიო
ამსტერდამში ლოქდაუნის წინააღმდეგ გამართული აქცია წყლის ჭავლით დაშალეს

ნიდერლანდების პოლიციამ, ლოქდაუნის საპროტესტო აქციაზე, 2 ათასამდე ადამიანი წყლის ჭავლით დაშალა.

ამის შესახებ „როიტერსი“ წერს.

სააგენტოს ცნობით, მომიტინგეები რიკსმუზეუმისა და ვან გოგის მუზეუმის სამხატვრო გალერეების წინ შეიკრიბნენ და სკანდირებდნენ - „რა გვინდა? თავისუფლება“.

აქციის მონაწილეებს არ ეკეთათ პირბადეები და სოციალურ დისტანციას საკმაოდ ცოტა იცავდა,

პოლიციამ დემონსტრანტებს დაშლისაკენ მოუწოდა, თუმცა მათგან უარი მიიღეს. ამასთან, აქტივისტების ნაწილმა პოლიციის წინააღმდეგ ფეიერვერკი გაისროლა. ამის შემდეგ პოლიციამ მომიტინგეების დასაშლელად წყლის ჭავლი გამოიყენა. ადგილობრივი ხელისუფლების განცხადებით, მათ საპროტესტო აქციაში მონაწილე ასამდე პირი დააკავეს.

ნიდერლანდების მთვრობამ სკოლები და მაღაზიები ჯერ კიდევ დეკემბერში დახურა, თუმცა რამდენიმე დღის წინ დაწესებული ლოქდაუნი სამ კვირაზე მეტი ხნით გაახანგრძლივა.

პანდემიის დაწყების დღიდან მეზობელ სახელმწიფოებთან შედარებით, ნიდერლანდები სოციალური შეზღუდვების დაწესებას ყველაზე მეტად ერიდებოდა. ქვეყანაში შეზღუდვების დაწესების გადაწყვეტილება მას შემდეგ მიიღეს, რაც კორონავირუსის მეორე ტალღამ ინფექციის სწრაფი გავრცელება და საავადმყოფოებზე მზარდი ზეწოლა გამოიწვია.





ავტორი: ექსპრესნიუსი,


სოციალური ქსელები
„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა
მედვედევმა ფაშინიანს და ზელენსკის „ორი უტვინო რუსოფობი“ უწოდა
ზელენსკიმ 5-6 მაისის ღამეს ცეცხლის შეწყვეტა გამოაცხადა
ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics