პარლამენტის პირველი ვიცე-სპიკერი გია ვოლსკი აცხადებს, რომ ოპოზიციაში მიმდინარე შიდა კონსულტაციებს აზრი არ აქვს.

როგორც გია ვოლსკი აცხადებს, ოპოზიციის ერთი ნაწილის, კერძოდ „ნაციონალური მოძრაობის“ მიზანია რევოლუციური სცენარის განვითარება.

მანვე დასძინა, რომ მეორე ნაწილი თვლის, რომ პოლიტიკური რესურსი პარლამენტში უნდა გამოიყენოს, თუმცა ამის ეშინია.

„ოპოზიციაში შიდა კონსულტაციებს აზრი არ აქვს, იმიტომ რომ სხვადასხვა მისწრაფებები აქვთ იმ პოლიტიკურ ჯგუფებს, რომლებიც იქ არიან გაერთიანებული. ერთნი არიან, რომლებსაც არ აინტერესებთ არანაირი არჩევნები, მეტიც, განმეორებითი არჩევნებიც არ აინტერესებთ, არის რევოლუციური სცენარის განვითარების მთავარი მიზანი, ნებისმიერი პოზიცია, რომელსაც ისინი გამოხატავენ და ძირითადად „ნაცმოძრაობის“ გარშემო არიან შეკრებილები. მეორენი არიან, რომლებსაც მიაჩნიათ, რომ თავიანთი პოლიტიკური რესურსი უნდა გამოიყენონ და რეალიზაცია მოახდინონ პარლამენტში, მაგრამ აქვთ გარკვეული შიში“, - განაცხადა გია ვოლსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ALDE-ს რეზოლუცია „ოცნების“ წევრების წინააღმდეგ პერსონალურ სანქციებს მოითხოვს

სვეტიცხოვლის საკათედრო ტაძრის რეაბილიტაცია 5 მილიონი ლარი დაჯდება

სტრასბურგმა მიშა მშვილდაძეზე თავდასხმის საქმის განხილვა დაიწყო

The Telegraph: აშშ პოლონეთს რუსეთის მხრიდან პროვოკაციულ თავდასხმაზე აფრთხილებს