2021-01-12 15:26:31, 804 ნახვა
პოლიტიკა
ზაალ უდუმაშვილი - ივანიშვილი ცდილობს ფინანსური რესურსები ერთ წერტილში მოაქციოს, რათა შეძლოს მისი შენარჩუნება
„ნაციონალური მოძრაობის“ ერთ-ერთი ლიდერის, ზაალ უდუმაშვილის განცხადებით, ბიძინა ივანიშვილი ცდილობს ფინანსური რესურსები ერთ წერტილში მოაქციოს, რათა საჭიროების შემთხვევაში შეინარჩუნოს.
როგორც მან აღნიშნა, ივანიშვილის გუშინდელი გადაწყვეტილება არა პოლიტიკიდან წასვლა, არამედ გაქცევაა.
„გარდა იმისა, რომ ცდილობს პოლიტიკური პასუხისმგებლობა აირიდოს, ასევე ცდილობს თავისი ფინანსური რესურსები ერთ წერტილში მოაქციოს, რათა თუ შემდგომში დაჭირდება, როგორმე შეინარჩუნოს. ერთი განაცხადა, რომ მიდის პოლიტიკიდან, მეორე - დაიწყო ფინანსური რესურსების სრულიად მობილიზება, რაც იმას ნიშნავს, რომ ეს არის გაქცევა და არა წასვლა“, - განაცხადა ზაალ უდუმაშვილმა.
ავტორი: ექსპრესნიუსი,
epn.ge (@expressnews.ge)
