2021-01-07 10:50:21, 688 ნახვა
მსოფლიო
ემანუელ მაკრონი - ის, რაც ვაშინგტონში მოხდა, არაამერიკულია
საფრანგეთის პრეზიდენტი ემანუელ მაკრონი ვაშინგტონში განვითარებულ მოვლენებს ეხმაურება.
როგორც მაკრონი „ტვიტერის“ ოფიციალურ გვერდზე გავრცელებულ ვიდეომიმართვაში აღნიშნავს, ის, რაც ვაშინგტონში მოხდა, არაამერიკულია.
„ჩვენ გვჯერა ჩვენი ქვეყნების დემოკრატიის. ჩვენ გვჯერა ამერიკული დემოკრატიის სიძლიერის“, - აცხადებს ემანუელ მაკრონი.
ცნობისთვის, ვაშინგტონში, სადაც საპრეზიდენტო არჩევნების შედეგებს ამტკიცებდნენ, დონალდ ტრამპის მხარდამჭერები კაპიტოლიუმის შენობაში შეიჭრნენ. დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა, არეულობის შედეგად კი ოთხი ადამიანი დაიღუპა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
