2021-01-04 11:43:57, 743 ნახვა
საზოგადოება
თავისუფლება პოლიტპატიმრებს - თბილისიდან თელავის მიმართულებით ავტომსვლელობა მიმდინარეობს
თბილისიდან თელავის მიმართულებით პოლიტპატიმრების გათავისუფლების მოთხოვნით „თავისუფლების მარში“ ავტომსვლელობას მართავს.
აქციის ერთ-ერთი მონაწილის განცხადებით, უნდა შესრულდეს 8 მარტის შეთანხმება და პოლიტპატიმრები გიორგი რურუა, ივერი მელაშვილი და ნატალია ილიჩოვა უნდა გათავისუფლდნენ.
„ესაა თავისუფლების მარში. ეს თავისუფლების მარში ეძღვნება პოლიტპატიმრებს საქართველოში. მოვითხოვთ 8 მარტის შეთანხმების შესრულებას. იმიტომ, რომ ამ შეთანხმების შესაბამისად უნდა გათავისუფლებულიყვნენ პოლიტპატიმრები, მაგრამ სათანადოდ არ შესრულდა“, - განაცხადა აქციის ერთ-ერთმა მონაწილემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
