ფინანსთა სამინისტროს შემოსავლების სამსახურის უფროსმა ლევან კაკავამ  უწყების 92  წარმატებული თანამშრომელი სამსახურებრივი მოვალეობის სანიმუშოდ შესრულებისთვის მადლობის სიგელით დააჯილდოვა. 

,,ჩემთვის დიდი პატივია ჩემს კოლეგებთან ერთად, მონაწილეობა მივიღო დაჯილდოების  ცერემონიაში. მოხარული ვარ, რომ თქვენთან ერთად, ერთიანი ძალისხმევით  შევძელით წარმატებით დაგვესრულებინა საქართველოსთვის ნამდვილად ურთულესი 2020 წელი და მნიშვნელოვანი შედეგებისთვის მიგვეღწია. COVID-19-ის პანდემიამ მსოფლიო ეკონომიკა არნახული გამოწვევების წინაშე დააყენა. ცხადია, არც საქართველო დარჩენილა მოვლენების მიღმა. მთავრობის მიერ მიღებულმა ანტიკრიზისულმა ზომებმა საგრძნობლად შეარბილა და შეამსუბუქა კრიზისის დარტყმა. სხვადასხვა სახის ფინანსური ვალდებულებების გადავადება, სუბსიდირება, სოციალური დახმარებები, სამუშაო ადგილების შენარჩუნების მიზნით საგადასახადო შეღავათები, სწორედ ანტიკრიზისული გეგმით გათვალისწინებული ღონისძიებებია. დამდეგ 2021 წელს, ახალი შედეგების მისაღწევად, კიდევ უფრო მეტი უნდა გავაკეთოთ და ამაში თითოეული თქვენგანის დახმარება გვჭირდება.  გულითად მადლობას გიხდით თქვენი საქმის ერთგულებისთვის,  იმ პროფესიონალიზმისა და პასუხისმგებლობისთვის, რომელსაც დღევანდელ რთულ გამოწვევებთან ბრძოლაში იჩენთ. სწრაფ გამოჯანმრთელებას ვუსურვებ ყველას, ვისაც ვირუსი დაუდასტურდა და ვინც მკურნალობის კურსს გადის“, -აღნიშნა ლევან კაკავამ.

შემოსავლების სამსახურში გამართულ დაჯილდოვების ცერემონიას შემოსავლების სამსახურის უფროსის მოადგილეები მამუკა ბარათაშვილი, ირაკლი შარტავა და  ვლადიმერ ხუნდაძე ესწრებოდნენ.

ავტორი: NS (სტატია დაფინანსებულია),

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო