ამერიკის შეერთებული შტატების არჩეულმა პრეზიდენტმა, ჯო ბაიდენმა Pfizer-ის კორონავირუსის საწინააღმდეგო ვაქცინა პირდაპირ ეთერში გაიკეთა.

ამის შესახებ ინფორმაციას „ბიბისი“ ავრცელებს.

გამოცემის ცნობით, ბაიდენის მიზანია, ინაუგურაციიდან 100 დღის განმავლობაში აშშ-ში კორონავირუსის საწინააღმდეგო აცრა 100 მილიონმა ადამიანმა გაიკეთოს.

„ამას ვაკეთებ იმის საჩვენებლად, რომ ხალხი მზად იყოს, როდესაც ვაქცინის გაკეთება იქნება შესაძლებელი, სანერვიულო არაფერია“, - განაცხადა ბაიდენმა.

მისი თქმით, ტრამპის ადმინისტრაციას გარკვეული დამსახურება აქვს ქვეყანაში ვაქცინაციის  პროგრამის წამოწყებისთვის.

ამერიკის არჩეული პრეზიდენტის განცხადებით, კორონავირუსის საწინააღმდეგო ვაქცინა მისმა მეუღლემ, ჯილ ბაიდენმაც გაიკეთა, ხოლო ვიცე-პრეზიდენტი კამალა ჰარისი და მისი მეუღლე ვაქცინას მომავალ კვირას გაიკეთებენ.

ცნობისთვის, პანდემიის დაწყებიდან დღემდე აშშ-ში კორონავირუსით ინფიცირების 18 მილიონზე მეტი შემთხვევაა გამოვლენილი, საიდანაც 319 000-ზე მეტი ადამიანი გარდაიცვალა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

„ალ ჯაზირამ“ ირანზე აშშ-ის ბოლო დარტყმები ცეცხლის შეწყვეტის შემდეგ ყველაზე მასშტაბურად შეაფასა

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია