ვაკის რაიონის გამგეობის ინფრასტრუქტურული პროექტების ფარგლებში, ვაჟა-ფშაველას IV კვარტლის N5 კორპუსის მიმდებარედ და ყაზბეგის N55-ში დასასვენებელი სივრცეების მოწყობა სრულდება.

3 000 კვ.მ და 2 000 კვ.მ ფართობების სკვერებში განთავსდა საბავშვო ზონები კომპლექსური ატრაქციონებით, დამონტაჟდა სხვა შესაბამისი ურბანული ავეჯი, დაიგო ქვის ხალიჩა, მოეწყო კაუჩუკის ბილიკი, დაირგო მცენარეები და ბალახი.

ადგილობრივ მცხოვრებლებს ვაკის რაიონის გამგებლის მოვალეობის შემსრულებელი დავით კვინიკაძე და ვაკის რაიონის მაჟორიტარი დეპუტატი ნოდარ ტურძელაძე შეხვდნენ.

„ორივე მისამართზე არსებული რეკრეაციული სივრცეები რეაბილიტირდება. საკმაოდ დიდი ტერიტორიებია, რომლებიც გაზაფხულზე კიდევ უფრო ლამაზი და მწვანე იქნება. მნიშვნელოვანია, რომ მუშაობის პროცესში პროექტების სხვადასხვა დეტალის შეთანხმება ადგილობრივ მოსახლეობასთან ერთად ხდება და მათი მოსაზრებები გათვალისწინებულია“, - განაცხადა დავით კვინიკაძემ.

კეთილმოწყობილი დასასვენებელი სივრცეების პროექტების ჯამური ღირებულება 454 000 ლარს შეადგენს.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს