2020-12-10 17:11:40, 586 ნახვა
პოლიტიკა
„ლელო“ პარლამენტში არ შედის
„ლელო“ პარლამენტში არ შედის, - ამის შესახებ პარტიის ლიდერმა, მამუკა ხაზარაძემ განაცხადა.
მისი თქმით, შესაბამის გადაწყვეტილებას იურიდიულად ხვალ გააგრძელებენ.
„ოფიციალურად უარს ვამბობთ მანდატებზე. ერთხელ და სამუდამოდ საქართველოში შევქმნათ იმის პრეცედენტი, რომ ვერავინ ვერ გაბედოს ადამიანებისთვის ხმების მოპარვა. ხვალ იქნება ყველა ოპოზიციური პარტიის ხელის მოწერის ცერემონია და იურიდიულად ჩვენი სამსახურები გააფორმებენ გადაწყვეტილებას“, - განაცხადა მამუკა ხაზარაძემ.
პარტიის წევრმა, ბადრი ჯაფარიძემ აღნიშნა, რომ მმართველ გუნდთან მოლაპარაკებებს გააგრძელებენ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
