2020-12-10 14:30:37, 708 ნახვა

---

ალეკო ელისაშვილი - „ქართულმა ოცნებამ“ გვითხრა, რომ რიგგარეშე არჩევნებზეც თანახმა არიან, რასაც ოპოზიცია ვითხოვდით, შეთანხმებული ვართ

ბოლო შეხვედრაზე „ქართულმა ოცნებამ“ გვითხრა, რიგგარეშე არჩევნებზეც თანახმა ვართო, - ამის შესახებ პარტია „მოქალაქეების“ ლიდერმა ალეკო ელისაშვილმა „ფეისბუქ“ მიმართვაში განაცხადა.

მისი თქმით, ოთხივე საკითხი, რომლებსაც ოპოზიცია ერთი თვის მანძილზე ითხოვდა, „ქართულ ოცნებასთან“ შეთანხმებულია.

„ბოლო შეხვედრაზე „ქართულმა ოცნებამ“ გვითხრა, რიგგარეშე არჩევნებზეც თანახმა ვართ - ოთხი საკითხიდან გვითხრეს, რომ ოთხივეზე თანახმა არიან, ოღონდ ნებისმიერი ფორმით გადავთვალოთ და დაგვიდასტურეთ, რომ 1% მაინც გაყალბდაო. ხო ხართ მაგარი ბიჭები, ხომ ამბობთ, რომ გაყალბდა და დაგვიდასტურეთო. როგორც გინდათ ისე დაგვიდასტურეთ. ჩვენ ვუთხარით, რომ ცესკოს მონაცემებს ვერ გადავთვლით, რადგან ის უკვე სუს-მა გადახატ-გადააფერადა. კი ბატონო, ნუ ენდობით, ოღონდ რასაც ენდობით, ის მოგვიტანეთო. მთელი ერთი თვე რასაც ოპოზიცია ვითხოვდით, რაზეც მოლაპარაკებები მიდის, ოთხივე საკითხზე შეთანხმებული ვართ“, - განაცხადა ალეკო ელისაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი