„ევროპული საქართველოს“ ლიდერის, დავით ბაქრაძის განცხადებით, საქართველოს საგარეო ვალის ნიშნული მიუახლოვდა შევარდნაძის მმართველობის დროინდელ ნიშნულს, რაც ნიშნავს იმას, რომ

მისი თქმით, ქვეყნის ეკონომიკა შესაძლოა, ნებისმიერ დროს ჩამოიშალოს, რადგან საგარეო ვალი სოციალური პაკეტების, ინფრასტრუქტურული პროექტებისა და ეკონომიკის გადარჩენის ნაცვლად, კორუფციულ პროგრამებს ხმარდება.

„ყველაზე მაღალი საგარეო ვალი საქართველოს ჰქონდა შევარდნაძის პერიოდში, როდესაც ქვეყანა მართლა დანგრევის პირას იყო და ის შეადგენდა შიდა პროდუქტის 63%-ს, გაისად საქართველოს საგარეო ვალი იქნება შიდა პროდუქტის 61%, ანუ ჩვენ ფაქტიურად მაკროეკონომიკურად „ქართულმა ოცნებამ“ დაგვაბრუნა შევარდნაძის დროში, როდესაც ნებიემიერ დროს შეიძლება მოხდეს სახელმწიფო დეფოლტი და სახელმწიფო ეკონომიკის ბოლომდე ჩამოშლა.

რაც განსაკუთრებით საგანგაშოა, მთელი ეს აღებული თანხა ხმარდება არა ინფრასტრუქტურის მშენებლობას, არა სოციალური უზრუნველყოფისა და დაცვის პაკეტების შემუშავებას პანდემიით დაზარალებული მოქალაქეებისთვის, არა ეკონომიკის გადარჩენას, არამედ ხმარდება ბიუროკრატიულ ხარჯებს, რომლებიც წლიდან წლამდე იზრდება და ხმარდება კორუფციულ პროგრამებს.

ორი უზარმაზარი უბედურებაა, ვალი, რომელიც ჩამონგრევით და დეფოლტით ემუქრება ჩვენს ეკონომიკას და არასწორად და კორუფციულად დახარჯული ფული, ანუ ამ ვალისგან არანაირი სარგებელიც არ აქვს ქვეყანას და ხალხს, ისე იხარჯება ამხელა ფული, რომელიც გახლავთ ჩვენი და ჩვენი შვილების გადასახდელი“, - განაცხადა ბაქრაძემ.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა