საქართველოს ფეხბურთის ფედერაციის გენერალური მდივნის, დავით მუჯირის განცხადებით, ფედერაციასთან გამართული აქციის ორგანიზატორები „ნაციონალური მოძრაობის“ ლიდერი ნიკა მელია და საქართველოს ნაკრების ყოფილი მცველი კახაბერ ალადაშვილი არიან.

მისი თქმით, ფეხბურთიის ფედერაცის წარმომადგენლები პროვოკატორებს დაუპირისპირდნენ და არა ქართველ გულშემატკივარს.

„დღეს, როდესაც მძიმე წუთები აქვს ქართულ ფეხბურთს და ნამდვილი ფეხბურთის გულშემატკივარი სინანულით არის განწყობილი, მაშინ, როდესაც ყველა ძალიან ნერვიულობს სპორტულ შედეგზე ძალიან ცოტა დაგვაკლდა ევროპის ჩემპიონატზე მოსახვედრად, ფედერაციასთან მოვიდა პროვოკატორთა ჯგუფი. მელიას და ალადაშვილის დაორგანიზებული აქცია ფეხბურთის ფედერაციასთან დღეს ნამდვილად არაფერ შუაში არ არის. ძალიან სამწუხაროა, რომ პროვოკატორები, რომლებიც არიან და მოქმედებენ არასახელმწიფოებრივად, მათ შეიძლება დაუპირისპირდნენ ფეხბურთის ფედერაციის წარმომადგენლები. კიდევ ერთხელ ხახგასმით ვიტყვის, რომ ქართულ გულშემატკივარს არავინ არ დაპირისპირებია“, - განაცხადა დავით მუჯირმა.

შეგახსენებთ, რომ საქართველოს ფეხბურთის ფედერაციასთან ხმაური იყო. სამოქალაქო აქტივისტები საქართველო-ჩრდ. მაკედონიის საფეხბურთო მატჩზე ხელისუფლების წარმომადგენლების დასწრებას აპროტესტებდნენ. 

ავტორი: ექსპრესნიუსი,

სოციალური ქსელები

მიხეილ სააკაშვილი: არსაიდან გასვლას და არანაირ დემარშს არ ვაპირებ

ყაველაშვილმა აჭარის ა/რ მთავრობის თავმჯდომარედ ზურაბ პატარაძის კანდიდატურა წარადგინა

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი