2020-11-09 10:18:02, 569 ნახვა
პოლიტიკა
ოპოზიცია რუსთაველის გამზირზე საპროტესტო აქციას დღესაც გამართავს
ოპოზიციური პარტიების ორგანიზებით რუსთაველის გამზირზე საპროტესტო აქცია დღესაც გაიმართება.
ოპოზიციონერი ლიდერები და მათი მხარდამჭერები პარლამენტის შენობასთან 18:00 საათზე შეიკრიბებიან.
მათი მოთხოვნები უცვლელია: გადადგეს თამარ ჟვანია, ჩატარდეს ხელახალი არჩევნები და გათავისუფლდეს პოლიტპატიმრები.
ცნობისთვის, გუშინ, 8 ნოემბერს ოპოზიციურმა პარტიებმა და მათმა მხარდამჭერებმა რუსთაველის გამზირზე საპროტესტო აქცია გამართეს. მოგვიანებით, აქციის მონაწილეებმა ცენტრალური საარჩევნო კომისიის შენობასთან გადაინაცვლეს. მათ ცესკოს ეზოში სურდათ შესვლა, რისი საშუალებაც სამართალდამცველებმა მათ არ მისცეს. პოლიციამ აქციის მონაწილეების დასაშლელად წყლის ჭავლი რამდენჯერმე გამოიყენა.
ავტორი: ექსპრესნიუსი,
epn.ge (@expressnews.ge)
