რომის პაპმა ერთნაირსქესიან წყვილთა სამოქალაქო ქორწინებას მხარი დაუჭირა

2020-10-22 13:24:10, 686 ნახვა

მსოფლიო

რომის პაპმა ფრანცისკემ ერთსქესიანი წყვილებისთვის სამოქალაქო პარტნიორობის დაკანონებას მხარი დაუჭირა.

აღნიშნულ საკითხზე საუბარი დაიწყო მას შემდეგ, რაც ახლად გამოსულ დოკუმენტურ ფილმში „Francesco“, პაპი ფრანცისკე ერთნაირსქესიანი წყვილების სამოქალაქო კავშირის გაფორმებას მხარს უჭერს.

ფილმის პრემიერა რომის კინოფესტივალზე შედგა.

როგორც ცნობილია, რომის პაპს არაერთხელ გაუკეთებია ერთნაირსქესიანი წყვილების მხარდამჭერი განცხადებები, თუმცა ეს პირველი შემთხვევაა, როდესაც ფრანცისკებ მათ კავშირზე ისაუბრა.

„ჰომოსექსუალ ადამიანებს აქვთ ოჯახში ყოფნის უფლება. ისინი არიან უფლის შვილები, ამდენად ჩვენ გვჭირდება ისეთი სამოქალაქო კავშირის კანონის შექმნა, რომელიც მათაც შეეხება. მე ამას მხარს ვუჭერ", - განაცხადა პაპმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან