2020-10-22 12:34:47, 552 ნახვა
სამართალი
პროკურატურაში ე.წ. კარტოგრაფების საქმეზე ჯონდი ბაღათურიას გამოკითხვა მიმდინარეობს
პოლიტიკური გაერთიანება „ქართული დასის“ თავმჯდომარე ჯონდი ბაღათურია გენერალურ პროკურატურაში გამოკითხვაზე მივიდა.
ამის შესახებ ინფორმაცია „ექსპრესნიუსს“ პროკურატურის პრესსამსახურში დაუდასტურეს.
ბაღათურია პროკურატურის შეკითხვებს ე.წ. კარტოგრაფების საქმეზე დაწყებული გამოძიების ფარგლებში პასუხობს.
შეგახსენებთ, რომ საქართველო-აზერბაიჯანის დემარკაციის კომისიის ექსპერტთა საბჭოს უფროსი, ივერი მელაშვილი და წევრი, ნატალია ილიჩოვა 7 ოქტომბერს დააკავეს. პროკურატურის ინფორმაციით, მათ ბრალად უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედება ედებათ.
ავტორი: ექსპრესნიუსი,
epn.ge (@expressnews.ge)
