ეკატერინე ტიკარაძის განცხადებით, საქართველო-ბელარუსის მატჩზე მაყურებლის დასწრება რეკომენდირებული არაა

2020-10-05 13:09:14, 497 ნახვა

კომენტარი

ჯანდაცვის მინისტრის ეკატერინე ტიკარაძის განცხადებით, 8 ოქტომბერს, თბილისში დაგეგმილ საქართველო-ბელარუსის საფეხბურთო ნაკრებების მატჩზე მაყურებლის დასწრება ეპიდსიტუაციიდან გამომდინარე,არ არის რეკომენდირებული.

როგორც მან საკოორდინაციო საბჭოს სხდომის შემდეგ ჟურნალისტებს განუცხადა, კონკრეტულ გადაწყვეტილებას საბჭო მომდევნო დღეებში მიიღებს.

"ჩვენ ვისაუბრეთ რისკებთან დაკავშირებით, რამდენად დიდია რისკი, თუ ჩატარდება საფეხბურთო მატჩი, როგორი იქნება ვირუსის გავრცელება, მაგრამ 8 რიცხვამდე საბჭო კიდევ დამატებით შეიკრიბება და უკვე საბოლოო გადაწყვეტილებაზე შევჯერდებით. ჩვენ მივეცით რეკომენდაცია, რომ ეპიდსიტუაციიდან გამომდინარე, მაყურებლის დასწრება რეკომენდირებული არ არის", - განაცხადა ჯანდაცვის მინისტრმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან