2020-10-02 12:30:33, 1538 ნახვა
ომი უკრაინაში
ამირან გამყრელიძე - აჭარაში რეკომენდირებულია პირბადის ღია სივრცეში ტარება
დაავადებათა ეროვნული კონტროლის ცენტრის ხელმძღვანელმა, ამირან გამყრელიძის განცხადებით, რეკომენდირებულია, რომ აჭარაში პირბადე ღია სივრცეშიც ატარონ.
მისი თქმით, აჭარაში სიტუაციის სტაბილიზაცია შეინიშნება.
„აჭარაში რეკომენდირებულია ღია სივრცეშიც ვატაროთ ნიღაბი. დასჯადი არაა, თუმცა სასურველია, რადგან ინციდენტობის მაჩვენებელი აჭარაში დაახლოებით 7-8 ჯერ მეტი გვაქვს, ვიდრე საშუალოდ ქვეყნის მაჩვენებელი უნდა იყოს“, - განაცხადა გამყრელიძემ.
შეგახსენებთ, რომ დღეს ქვეყანაში კორონავირუსის 453 ახალი შემთხვევა გამოვლინდა, მათგან 297 კი აჭარას უკავშირდება.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
