2020-09-29 15:36:23, 618 ნახვა
სამართალი
შაქარაშვილის საქმეზე დაკავებულის ადვოკატი - დღეს ირაკლი წაქაძე დუმილის უფლების დარღვევას არ აპირებს
შაქარაშვილის საქმეზე დაკავებული ირაკლი წაქაძის ადვოკატი აცხადებს, რომ მისი დაცვის ქვეშ მყოფი დღეს დუმილის უფლების დარღვევას არ აპირებს.
ადვოკატის თქმით, ამ ეტაპზე მოლაპარაკება არ იგეგმება.
„დღევანდელი მოცემულობით, წინასასამართლოს რეჟიმში ვართ, აქედან გამომდინარე არანაირი ზედაპირული მოლაპარაკებები არ არის.
დღეს ირაკლი წაქაძე არანაირი დუმილის უფლების დარღვევას არ აპირებს“, - განაცხადა ადვოკატმა.
ცნობისთვის, დღეს გიორგი შაქარაშვილის საქმეზე დაკავებული 17 პირიდან 11-ის წინასასამართლო სხდომა მიმდინარეობს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
