გიორგი შაქარაშვილის მკვლელობის საქმის არსებითი განხილვა მცხეთის სასამართლოში 8 ოქტომბერს დაიწყება.

საქმის პროკურორის, დავით ყაზარაშვილის განცხადებით, ბრალდების მხარეს აქვს მყარი მტკიცებულებები, რომლებიც შაქარაშვილის მკვლელობის ნაწილში ხუთივე ბრალდებულის მონაწილეობაზე მიუთითებს.

„რა არის პირდაპირი და ირიბი მტკიცებულება ეს უნდა შეაფასოს სასამართლომ არსებითი განხილვის მიმდინარეობის დროს. ჩვენ ვთვლით, რომ გვაქვს ის მყარი მტკიცებულებები, რომლებიც პირდაპირ მიუთითებს ხუთივე ბრალდებულის მონაწილეობაში გიორგი შაქარაშვილის მკვლელობის ნაწილში. რაც შეეხება უშუალოდ იმ მტკიცებულებებს, რაზეც აპელირებს დაცვის მხარე, ის რომ უშუალოდ მკვლელობის ვიდეო ჩანაწერი  არ არის საქმეში და იქ კამერით არ მიმდინარეობდა გადაღება, ეს არ ნიშნავს იმას, რომ ბრალდების მხარეს არ აქვს მტკიცებულება და არ ნიშნავს იმას, რომ მათ არ ჩაუდენიათ განზრახ მკვლელობა“, - განაცხადა დავით ყაზარაშვილმა. 

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს