ინფექციური პათოლოგიის, შიდსისა და კლინიკური იმუნოლოგიის ბოქსირებული განყოფილების უფროსის, მარინა ენდელაძის განცხადებით, კორონავირუსით გარდაცვლილ ორივე პაციენტს თანმხლები დაავადებები ჰქონდათ.

მისი თქმით, ერთი მათგანი 67 წლის მამაკაცია, რომელიც ბათუმის რესპუბლიკურ საავადმყოფოში მკურნალობდა, ხოლო მეორე ქუთაისის კლინიკაში ბათუმის რეფერალური საავადმყოფოდან უკიდურესად მძიმე მდგომარეობაში გადმოიყვანეს.

„67 წლის მამაკაცი ბათუმის რესპუბლიკურ საავადმყოფოში მკურნალობდა. იყო კრიტიკულ მფგომარეობაში, ჰქონდა სხვადასხვა თანმხლები დაავადებები, ესენია: არტერიული ჰიპერტენზია, ინსულტი, შაქრიანი დიაბეტი, ქრონიკული მოციმციმე არითმია და შესაბამისად, ამ პაციენტის მდგომარეობიდან გამოყვანა ვერ მოხერხდა.

მეორე გარდაცვლილი პაციენტი გახლავთ ქუთაისში, რომელიც გადმოყვანილი იქნა 20 სექტემბერს ბათუმის რეფერალური საავადმყოფოდან უკიდურესად მძიმე, კრიტიკულ მდგომარეობაში. ამ პაციენტსაც ჰქონდა მძიმე თანმხლები დაავადებები. ეს გახლავთ ასევე შაქრიანი დიაბეტი, ინსულტი, თავის ტვინის ქერქის ატროფია, ორმხრივი მწვავე პნევმონია, გულის იშემიური დაავადება და შესაბამისად, ამ პაციენტის მდგომარეობიდან გამოყვანაც ვერ მოხერხდა“, - განაცხადა მარინა ენდელაძემ.

ავტორი: ექსპრესნიუსი,

სოციალური ქსელები

ტრამპმა ისრაელსა და ირანს შორის საჰაერო დარტყმების ერთკვირიანი შეჩერება გამოაცხადა

მიგრაციის დეპარტამენტის თანამშრომლებმა უცხო ქვეყნის 84 მოქალაქე საქართველოდან გააძევეს

ევროკავშირის ანგარიშის გამოქვეყნებამდე, ბოჭორიშვილი ამ ანგარიშს არასერიოზულს და ტყუილს უწოდებს

ბოჭორიშვილი: შეხვედრა, რომელსაც ითვალისწინებს ევროკავშირის რეგულაცია, გაიმართება სამუშაო დონეზე და ქართული მხარის მოლოდინია, რომ იქნება კონსტრუქციული