2020-09-15 16:55:16, 1114 ნახვა
მსოფლიო
დიმიტრი პესკოვი - ბელარუსი ჩვენი მოკავშირე ქვეყანაა
„ბელარუსი ჩვენი მოძმე ქვეყანაა“, - ამის შესახებ, რუსეთის პრეზიდენტის პრესსპიკერმა დიმიტრი პესკოვმა ჟურნალისტებს განუცხადა.
მისივე განცხადებით, ბელარუსი არის და იქნება რუსეთის ახლო მოკავშირე.
„საქმე ეხება ორი ქვეყნის ურთიერთობას და არა პირად დამოკიდებულებას პუტინსა და ლუკაშენკოს შორის.
რუსეთისთვის ბელარუსი ყოველთვის ახლო მოკავშირე და მოძმე ქვეყანა იყო. ჩვენ მივიჩნევთ, რომ ეს ასე დარჩება და გაგრძელდება“,- აცხადებს პესკოვი.
ცნობისთვის, მოლაპარაკებები პუტინსა და ლუკაშენკოს შორის ორშაბათს გაიმართა. განხილვის თემა იყო ორმხრივი კავშირები სხვადასხვა სფეროში.
ავტორი: ექსპრესნიუსი,
epn.ge (@expressnews.ge)
