,,ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი მოსახლეობასთან შეხვედრებს განაგრძობს. დღეს შეხვედრა საოკუპაციო ხაზთან მდებარე სოფელ რუხში გაიმართა. რუხში ბოლო წლების განმავლობაში  მასშტაბური ინფრასტრუქტურული პროექტები განხორციელდა და ნაწილზე სამუშაოები ახლაც აქტიურად მიმდინარეობს.

ირაკლი ჩიქოვანის თქმით ამ სოფლის მოსახლეობა ყველაზე ნათლად ხედავს ოკუპაციის მძიმე ტვირთს.

,,რუხში უკვე ფუნქციონირებს 220-ადგილიანი მრავალპროფილური საუნივერსიტეტო კლინიკა, რომელიც მნიშვნელოვან როლს ასრულებს კორონავირუსის პანდემიასთან ბრძოლის თვალსაზრისით და ადგილობრივებთან ერთად, აფხაზეთიდან გადმოსულ ჩვენს მოქალაქეებს ემსახურება.  სოფელში მოწესრიგებულია საგზაო ინფრასტრუქტურა, ძალიან მალე  რუხი-ახალაბასთუმნის დამაკავშირებელი გზის რეაბილიტაციაც დაიწყება. დღესვე გამოცხადდა რუხში თანამედროვე ბაღის მშენებლობაზე ტენდერი.

ამავე სოფელში ვაშენებთ საფეხბურთო აკადემიას. ეწყობა მუნიციპალური ტრანსპორტის ავტოპარკი.  ადგილობრივი ხელისუფლების მხარდაჭერით, საქველმოქმედო-ჰუმანიტარული ცენტრი ,,აფხაზეთი"  აქვე  აშენებს მოხუცთა და ბავშვთა თავშესაფარს, რომელიც ბენეფიციარებს შესთავაზებს მულტიფუნქციურ სერვისს"-განაცხადა მოსახლეობასთან შეხვედრაზე ირაკლი ჩიქოვანმა.

მისი თქმით არცერთი ხელისუფლების პირობებში რუხში ამ მასშტაბის სამუშაოები არ განხორციელებულა.

შეხვედრაზე კანდიდატთან ერთად საარჩევნო შტაბის უფროსი გიორგი შენგელია, ზუგდიდის მოქმედი მაჟორიტარი ედიშერ თოლორაია და სახელმწიფო რწმუნებულის ადმინისტრაციის აპარატის უფროსი ლაშა გვასალია ესწრებოდნენ.

ავტორი: NS (სტატია დაფინანსებულია),

სოციალური ქსელები

ვიტკოფი ირანთან მოლაპარაკებებისთვის კატარში გაფრინდა

შეერთებული შტატები 40 წლის შემდეგ პირველად შექმნის ახალ ბირთვულ ქობინს

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post