"უკვე მე-3 წელია  უპრეცედენტოდ წარმატებულ რთველს ვატარებთ",-ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.
მისივე თქმით, რთველთან დაკავშირებით ბოლო  ერთი კვირის განმავლოვბაში მოსახლეობის შეცდომაში შეყვანის მცდელობა იყო. 
"ამ ერთი კვირის განმავლობაში იყო მცდელობა მოსახლეობის შეცდომაში შეყვანის რთველთან დაკავშირებით. უკვე მე-3 წელია  უპრეცედენტოდ წარმატებულ რთველს ვატარებთ.ყველას მინდა  შევახსენო, რომ არასოდეს არ ყოფილა არათუ ასეთი ინტერესი, ამის ნახევარი ინტერესიც არ ყოფილა წინა მთავრობის დროს.რომელი მთავრობა ახსოვს რომელიმე ადამიანს ჩვენს ქვეყანაში, რომელმაც დაპირებული 1 მილიარდი ლარის ინვესტიცია განახორციელა კერძო სექტორის დახმარებით. დღემდე არის 1 მილიარდ  ლარამდე ჩადებული ინვესტიცია სოფლის მეურნეობის დარგში. ასეთი ინტერესი ამ დარგის მიმართ არც  ერთი ხელისუფლების დროს არ ყოფილა.უკვე მესამე წელია წარმატებით ვახორციელებთ უფასო ხვნა-თესვის პროგრამას. იაფი აგროსესხების პროგრამა მე-3 წელია წარმატებით გრძელდება. ჩვენ დავიწყეთ პროგრამა აწარმოე საქართველოში. მხოლოდ წარმატებული რთველის შედეგად კახეთის რეგიონში შევიდა 290 მლნ ლარი.290 მლნ ლარი შევიდა კახელი გლეხების ოჯახში, ფერმერების ოჯახში. აქედან დაახლოებით, 100 მლნ ლარი იყო სუბსიდირება, რაც სახელმწიფომ გაიღო 2 წლის წინ. გასულ წელსაც სუბსიდიის თანხა თეთრ ყურძენზე იყო 35 თეთრი.წითელზე  იყო 15 თეთრი.ეს არის რეალური ფაქტები. წელს გვაქვს იგივე- თეთრზე გვაქვს 35 თეთრი, წითელზე გვაქვს 15 თეთრი სუბსიდურების თანხა. ანუ ჩვენი მხრიდან, სახელმწიფოს მხირდან,  არაფერი შეცვლილა",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა

აქტივისტი ალბი კორძაია ახალ მიმართვას ავრცელებს სადაც სავარაუდო გაუპატიურებაზე საუბრობს