ოკუპირებული აფხაზეთის ე.წ. პრეზიდენტის, ასლან ბჟანიას განცხადებით, „პატრიოტთა ალიანსი“ მზადაა თანამშრომლობისთვის და აფხაზეთის შემდგომი აღიარებისთვის.

აღნიშნულის შესახებ ინფორმაციას აფხაზეთის საოკუპაციო რეჟიმის მედია apsnypublic.ru ავრცელებს.

როგორც დე ფაქტო პრეზიდენტი აცხადებს, საოკუპაციო რეჟიმის ე.წ. საგარეო უწყებას დაევალა „სიტუაციასთან დაკავშირებით საკუთარი ხედვა შეიმუშაოს და მეზობელ რესპუბლიკასთან ურთიერთობის აუცილებლობის შესახებ პოზიცია გამოხატოს“.

ასლან ბჟანიამ ილორის ეკლესიისთვის ხატის გადაცემის ფაქტს ჰუმანიტარული მისია უწოდა და განაცხადა, რომ მსგავსი ქმედება არავისთან შეთანხმებულა.

საოკუპაციო რეჟიმის მედიის ინფორმაციით, შეხვედრას 30 ე.წ დეპუტატი ესწრებოდა.

როგორ მოხვდნენ ოკუპირებულ ტერიტორიაზე პატრიოტთა ალიანსის ლიდერები - ეს კითხვა ღიად რჩება. თავად ირმა ინაშვილი ირწმუნება, რომ რეგიონში მხოლოდ ეკლესიის მოსალოცად ჩავიდა და ვიზიტის მიზანი ოკუპირებულ რეგიონში ხატის ჩატანა იყო.

„პატრიოტთა ალიანსის“ ვიზიტის შემდეგ დე ფაქტო პრეზიდენტის ასლან ბჟანიას თანაშემწე ლაშა საქანია თანამდებობიდან გადადგა, რის მიზეზადაც საქანია აფხაზურ საზოგადოებაში შესაძლო მღელვარების თავიდან აცილებას ასახელებს.

თავის მხრივ პარლამენტარებმა აღნიშნეს, რომ ალიანსის წარმომადგენლების დე ფაქტო აფხაზეთის აღიარების საკითხი შეხვედრაზე არ უხსნებიათ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს